مسابقه إشرح واربـــح في الخط العربي [الأرشيف] - الصفحة 2

نايف الشمري

19-03-10, 01:35 AM

ماشاءالله الواحد مايقدر يفكر الا انتم حالينها ..

بس عندي ملاحظه اخوي النيزك ..

هي انك نزلت الصور مرتين ..

واختلفت الصوره الاولى .. عندما نزلتها ثاني مره ..

وسلامتك

فقط حبيت انبهك

النيــــزك

19-03-10, 01:35 AM

رونق

صح صح حتى الثانيه حلك صح

معليش العتب على النظر هههههههههه

وألف ألف مبروك عليك النقطتين

وبكذا تكون النتيجه

أخوي خالد = 11 نقطه

أختي الرونق = 7 نقاط

أخي الوجيه = 5 نقاط

أختي مشاعر = 2 نقطتان

أخوي نايف = 1 نقطه واحده

وبالنسبه للأخ الوجيه والأخت مشاعر فصدقوني لولا إنها طالعه عند الأخت رونق والأخ القرار كان قلت العيب في تنزيلي لها
لكن بما انها ظهرت عند الرونق والقرار معناته الخطأ ماهو مني وعليه فالله يخلف عليكم ويصلح العطب في أجهزتكم هههه

وإلى اللقاء غدا على نفس الموعد

وتصبحون على ألف ألف خير

النيــــزك

19-03-10, 01:44 AM

السلام عليكم

عفوا يا جماعه

الصور الأولى هي المقصوده

بس لما قالت الأخت مشاعر والأخ الوجيه إإنهم ما ظهروا عندهم رحت أحملهم مره ثانيه ومن العجله حتى تظهر عندهم أخترت غير الأولى بالغلط

ولكن اللوحات الأولى هي الصح وهي المطلوبه

أعتذر لأخوي نايف وللجميع عن الخطأغير المقصود

وأكرر أسفي

خالد العبدالله

19-03-10, 02:54 AM

السلام عليكم

أخوي النيزك

المسألة مو مسألة دورة بالخط .. المسألة مسألة ( لاغاب البس إلعب يا فار )
لكن هين .. الوعد بكرا .. أبنشب لكم

ألحين باقي ليلتين صح النيزك !

يعني أي إجابه لي .. أحسم الموقف
هع

ومبروك رونق .. بس شدي حيلك بكرا
:p

خ.ألـد

النيــــزك

19-03-10, 03:18 AM

السلام عليكم

وعليكم السلام ورحمة الله وبركاته

هلا وغلا بأخوي خالد

محشومين انت واياها عن البس والفار هههه

بس يبدولي انها عرفت سر المهنه ومو بعيد بعد كم يوم ما ندري الا وهي كاتبه تحت معرفها (الخطاطه رونق ) هههه

بعدين تعال

أنت ما تقول لي وين تروووووح إذا جا وقت المسابقه ؟

والا على اساس انك جبت 11 نقطه وخلاص ظمنت الفوز ؟

لا طال عمرك

إحسبها صح والا ترى إحتمال يروح عليك المركز الأول والوسام

لأن باقي ليلتين .. يعني أربع نقاط

و الرونق الحين عندها سبع نقاط

يعني ممكن تفوز بالأربع كلها وبالتالي يصير تعادل بينكم

وفي مثل هالحاله أكيد راح أطرح لوحه ترجيحيه واحده واللي يحلها أسرع

بيكون هو الفائز طبعا

طيب إفرض سبقتك بالحل ؟

وأخذت المركز الأول والوسام في دوري كاس النيزك

هذيك الساعه وش بيكون موقفك أمام جمهورك وأمام الصحافه طال عمرك ؟ هههه

يعطيك العافيه

خالد العبدالله

19-03-10, 07:05 PM

السلام عليكم

أخوي النيـزك

وعليك من الله سلام لا ينقطع .. ورحمات تحفك حتى في قبرك .. وبركات تنام معها بهدوء

ياخي قسما" بالله احبك جدا" .. أوي

::

بعدين وين أروح .. وقت المسابقه !
أبد .. مرتكي وحاط رجل على رجل وأتابع من بعيد ..
<--- والله ان ودك تجي بس ماهو حاصل لك خخخخخ

والله رحت للرياض والبارح جيت .. وصيت واحد البارح وانا بالخط إنه يجي هنا ويقول لكم
( لاتستعجلون .. وركزوا .. لأني ما أقدر ادخل الليله )
بس شكله جحدني خخخخ

عموما" .. على قولتك إن جابت هي الـ 4 نقاط بنتعادل
لكن تتوقع ( إذا الله عطاني طولة العمر ) .. تتوقع أبعطيها فرصه الليله أو بكرا !
هذا إذا مافيه أحد ثاني جاوب صح
يعني الله يعنيها .. نفسيتها مفلوته الأخت رونق خخخخخ

بالله شلون شكلها إذا جاوبت أنا على لوحه الليله .. وقلت لها ( لك الثانيه .. حليها )
ههههههههههههههههههههههههههههههههههههه

/

رونق .. إنتي تدرين بغلاتك .. يعني لاتحسبيني شايل عليك
(^_^)

لكن أصول المهنه .. لازم كذا كح كح

والوعد 12 بحول الله

مراسلكم من الدوام

خ.ألـد

خالد العبدالله

19-03-10, 10:27 PM

السلام عليكم

أختي رونـق

إذا على العين .. أنا الحمدلله احصن نفسي صبح وليل
وإذا ماتبين تحلين .. شي راجع لك

<--- مايعرف يمزح .. ولامنه فكه
ههههههههههههههههههههههههههههههه

متى تجي الساعه 12 بس

:p

خ.ألـد

النيــــزك

20-03-10, 12:07 AM

السلام عليكم

هلا وغلا فيكم كل ابوكم هههههههه

وصبحكم الله بالخير والرضى والسرور

طبعا مثل ما انتوا عارفين الليله هي ما قبل الأخيره

ولازالت الفرصه كبيره أمام الرونق في الحصول على المركز الأول في حالة حصلت على الأربع نقاط المتبقيه

لأن راح يحلو اللعب لو تعادلت مع ذاك الرجال ودخلنا مرحلة الركلات الترجيحيه ... عفوا أقصد اللوحه الترجيحيه

أما بالنسبه لأخي الوجيه فالفرصه أمامك لتحقيق المركز الثاني فيما لو تجاوزت نقاط الغاليه الرونق وانت وشطارتك ههههه

المهم جاهزييييييين ؟ نبدأ ؟

طيب توكلنا على الله

ومع اللوحة الأولى

http://www.4nw.net/files-03/Wb732720.jpg (http://www.4nw.net/)

اللوحة الثانيه

http://www.4nw.net/files-03/97132720.jpg (http://www.4nw.net/)

وبالتوفيق للجميع بإذن الله

مشاعر انثى

20-03-10, 12:13 AM

{ اللوحه الاولى
{ فتعال الله الملك الحق لا إله إلا هو رب العرش الكريم }

النيــــزك

20-03-10, 12:17 AM

هلا وغلا

روعه يامشااااعر

عطينا حل الثانيه بارك الله فيك

مشاعر انثى

20-03-10, 12:17 AM

اللوحه الثانيه
{ كلما اتسعت الرؤيا ضاقت العبره
او العباره }
مدري؟؟

مشاعر انثى

20-03-10, 12:18 AM

لاااااا
{ كلما اتسعت الرؤيا ضاقت العباره}
ها وش رااايكم

خالد العبدالله

20-03-10, 12:21 AM

النيــــزك

20-03-10, 12:31 AM

هههههههههههههههه

العباره العباااااره

شوفي الفها طول عمود الكهرب

وانتي صح صح صح وألف ألف مبروك عليك النقطتين وإعجبتيني جدا بسرعتك ما شاء الله عليك

ولا تنسين بكرى آخر يوم في المسابقه تعالي بدري عشان تحضرين حفل الختام واعلان اسم الفائز وترى الدعوه فيها عشا خمس نجوم لا يفوتك ههههههه

وبكذا تكون النتيجه

أخوي خالد = 11 نقطه

أختي الرونق = 7 نقاط

أخوي الوجيه = 5 نقاط

أختي مشاعر = 4 نقاط

أخوي نايف = 1 نقطه واحده

وإلى اللقاء الآخير غدا على نفس الموعد بإذن الله

وتصبحون على ألف ألف خير

النيــــزك

20-03-10, 12:39 AM

السلام عليكم

أخوي النيـزك

ياخي قول من أول إنك ماتبيني !!

عيت تطلع اللوحات عندي ورب البيت
هههههههههههههههههههههههههههههههه

بس فدوه .. أهم شي بعض الناسات ماحلوا شي
هههههههههههههههههههههههه

خ.ألـد

هههههههههه

وعليكم السلام والرحمه

صدقني مت من القهر

أشوفك بين المتواجدين وانتظرك تدخل المسابقه وانت مطنش

شدراني انها ماطلعت عندك ؟

الظاهر العدوى انتقلت لجهازك من جهاز مشاعر

ههههههههههههههه

على كل انا ادري انك ما من حرص الليله

ضامن الفوز من قدك

المهم بكرى لا تجي الا وانت متشيك على الآخر

عشان الكاميرات بتصير كلها موجهه عليك هههههه

مشاعر انثى

20-03-10, 12:41 AM

الف الف الف مبروووووووووووووك يامشاعر النقطتين { اول مره آخذ نقطتين } ^_^
المهم معروف الفايز مين{ ياخالد ياااااااا رونق }
من هلحين ابارك للجميع
ومن قدي حليتهم
اي كذا يانيزك خل اللوحات كذا سهله ^_^
وأنت ياخالد تعرف تجيد اللغه العربيه { الناسات } هاااااااا ^_^
موفقين يااااااااارب

مشاعر انثى

20-03-10, 11:12 PM

ننتظر في هذه الساحه التنافس بين الأخ خالد والأخت رونق
ترى فيه عشا بوفيه على حساب الأخ النيزك لاتخلون العشا ^_^

فاإلى ذاك الحين كونوا بخير

خالد العبدالله

20-03-10, 11:56 PM

السلام عليكم

أختي مشاعر أنثـى

كلنا نبي نشارك هنا ..

واللي مايشارك مايتعشى معنا .. صح النيزك !!

النيـزك .. ياحلوها إذا جبت قول الليله وكملت الـ ( درزن )
حبا" بالنظام بس خخخخخ

خ.الـد

مشاعر انثى

20-03-10, 11:59 PM

دام الدعوه فيها عشى اعتقد الكل يشارك ويتعشى
بسسسسسسسس اتمنى القى عشا نباتي ومقبلات ^_^
عشان كذا ماتعشيت انتظر عشا النيزك00
يلله عاد متى المسابقه
ياخوفي من النت

حسين الشمري

21-03-10, 12:07 AM

وين اللوحاااااااااااااات واحد متحمس بالوقت الضايع

خالد العبدالله

21-03-10, 12:10 AM

السلام عليكم

والله جيت من الخبر جايب معي ( رطب بالعسل )
خبز زي ( الثريد ) .. مقطع ومحطوط عليه حبه سمراء وعسل
الطعم مجنووووووووووون

جبت معي 3 صحون .. لكن لقيت العيال مسوين عشا
وللحين صحون ( الرطب ) ماذاقها أحد
النيزك .. سم بهم وقلطهم خلهم يتعشون لين تنتفخ بطونهم
وخلني أنا أحل لحالي

<<---- حتى وهو فايز .. طماع
ههههههههههههههههههههههههههههههههههه

خ.الـد

مشاعر انثى

21-03-10, 12:13 AM

اقول علامك يالنيزك خالد جاب معه عشا عشان يساعدك
عشان تتعشون على كيفكم
وتخلوني احل لحالي { ياشين الغيره }00
يلله يالنيززززك
ننتظر

خالد العبدالله

21-03-10, 12:22 AM

السلام عليكم

أختي رونق

وش قصدك للقرار .. عشانه هلالي يعني !!

لأن الهلال كل مباراة كأس مالهم فيها دخل .. يحضرون هم ولاعبينهم
يقولون إحتمال الفريقين اللي يلعبون يتعادلون .. ويقرر الحكم ان الكاس للهلال
هههههههههههههههههههههههههههههههههههه

جبتيها ع الجرح يا رونق

<---- يمشكلهم ببعض .. ويروح يجاوب

انا يا رونق ابي اكمل النصاب .. وأقفل على ( درزن ) بس
:p

خ.ألـد

النيــــزك

21-03-10, 12:22 AM

السلام عليكم

مساء الورد والمسك والعنبر على الجميع

شلوونكم ؟

بما أنها آخر ليله في المسابقه فأكيد الكل ينتظر الصور فما راح أطول عليكم وبخلي السوالف بعدين

هااه ... نبدأ ؟

طيب .. توكلنا على الله

اللوحة الأولى

http://www.4nw.net/files-03/dIZ17551.gif (http://www.4nw.net/)

اللوحة الثانيه

http://www.4nw.net/files-03/uX917551.jpg (http://www.4nw.net/)

عفوا ياشباب

لم انتبه لشرح اللوحه الثانيه اللي في أسفلها

لذلك سأضع لوحه ثالثه بدلا عنها هي التاليه

http://www.4nw.net/files-03/fpz20601.jpg (http://www.4nw.net/)

خالد العبدالله

21-03-10, 12:24 AM

السلام عليكم

أخوي النيزك

عليك السلام ورحمة الله وبركاته

شكرا" شكرا" على التهنئه خخخخخخخخ

اللوحه الثانيه

( اشهد ان لا إله إلا الله وأشهد ان محمدا" رسول الله )

خ.الـد

مشاعر انثى

21-03-10, 12:25 AM

شكل اللوحه الثانيه
{ أشهد أن لاإله إلا الله وأشهد أن محمداً رسول الله }

خالد العبدالله

21-03-10, 12:25 AM

السلام عليكم

أخوي النيـزك

عادي أغششهم بالأولى !!

<<---- كمل النصاب .. و اكتفى
ههههههههههههههههههههههههههههههههههههههه

<<---- ضحكة غرور

خ.ألـد

مشاعر انثى

21-03-10, 12:30 AM

الأولى
بسم الله الرحمن الرحيم
بس اللي جمبها ماعرفته
اللوحه صغيره

حسين الشمري

21-03-10, 12:31 AM

قهر ما دريت أنكم نزلتوا اللوحات

وش عنده أبو الشباب متحمس

والله إنك صادقه يالرونق متابع

خالد العبدالله

21-03-10, 12:35 AM

السلام عليكم

يا جعل عيالك يصيرون درزن قل آمين . .

أختي رونق

آمين .. وعسى الله يصلحهم
بدون صلاح مالهم فايده

خ.الـد

النيــــزك

21-03-10, 12:35 AM

السلام عليكم

أقول خالد

إرجع لكلامي اللي فوق ورح حل اللي حطيتها بدال التشهد

ترى حل اللوحه الثانيه ما راح يحتسب له نقطه لأن محتواها مكتوب تحتها بس ما انتبهت له هههه

مشاعر انثى

21-03-10, 12:44 AM

هوالغني؟؟؟

خالد العبدالله

21-03-10, 12:45 AM

السلام عليكم

أخوي النيـزك

ماهو ذنبي إن يتم تعديل المشاركه بعد ماراحت الصفحه .. وحليتها
على الأقل حط لنا رد قبل التعديل وقول إنك تبي تعدل
أو على الأقل انتبه قبل تنزل الصفحات

عموما" .. الحمدلله إني الأول وإلا كان نشبت لك زين
هههههههههههههههههههههههههههههه

وأبروح أحل الأوله .. الشكوى لله .. نصراوي دايم مظلوم
:(

خ.ألـد

مشاعر انثى

21-03-10, 12:47 AM

وشووووووووو؟؟
اي تعديل
افتر راسي؟
فيه لوحه ملغيه؟؟

النيــــزك

21-03-10, 12:48 AM

صح صح عليك يالرونق ما شاء الله عليك

قايل لك أنا بعد كم يوم بنشوف تحت معرفك الخطاطه الرونق ما صدقتيني ههههه

خالد العبدالله

21-03-10, 12:50 AM

السلام عليكم

اخوي النيـزك

اللوحه الأولى

( إنه من سليمان وإنه بسم الله الرحمن الرحيم )
و
( قل كل يعمل على شاكلته .. فربكم أعلم بمن هو أهدى سبيلا )

خ.ألـد

النيــــزك

21-03-10, 12:50 AM

وشووووووووو؟؟
اي تعديل
افتر راسي؟
فيه لوحه ملغيه؟؟

إييييييييه

حقت التشهد

ما تشوفين حلها فيها؟

هههههههههههه

مشاعر انثى

21-03-10, 12:51 AM

المفروض يالنيزك تحدد وش اللوحه الصح
عشان نعرف

النيــــزك

21-03-10, 12:54 AM

السلام عليكم

اخوي النيـزك

اللوحه الأولى

( إنه من سليمان وإنه بسم الله الرحمن الرحيم )
و
( قل كل يعمل على شاكلته .. فربكم أعلم بمن هو أهدى سبيلا )

خ.ألـد

صح صح صححححح ما شاء الله عليك ياخالد

والله إني قايل محد غيرك راح يحلها هههههه

وعليه تكون النتيجه :

أخوي خالد = 12 نقطه

أختي الرونق = 8 نقاط

أخوي الوجيه = 5 نقاط

أختي مشاعر = 4 نقاط

أخوي نايف = 1 نقطه واحده

وألف مبروك عليك النقطه وانتظر حفل الختام

حسين الشمري

21-03-10, 12:54 AM

وش هالمسابقه اللي كلها مناشب ههههههههه

لا والله أحسن مافيها روح التحدي والله يعينك يالنيزك

حسين الشمري

21-03-10, 01:04 AM

والله لو أني سكران يارونق ههههههه

مشاعر انثى

21-03-10, 01:11 AM

مبروووووووك ياخالد
بس متى الحفله ؟ ^_^

حسين الشمري

21-03-10, 01:13 AM

مبروك لأبو وليد وحظ أوفر للجميع ...

ورونق ترجع وتقول إستمر بالمتابعه وتفوز ههههه .

مشاعر انثى

21-03-10, 01:16 AM

http://www.z6zz.com/mobilesm/124.gif

كفو يالنيزك على الاحتفال الرااائع لخالد
بس وين عشانا؟؟؟؟

نايف الشمري

21-03-10, 01:35 AM

الف الف مبروك لك ياخالد

ماشاءالله حسمت المسابقه من بدري

والله يعطيك الف عافيه اخوي النيزك على هذه المسابقه الشيقه

التي امتعتنا بها وبمتابعة كل تفاصيلها

حسين الشمري

21-03-10, 01:36 AM

حرام عليك يارونق حتى بالعشا

متابع

مشاعر انثى

21-03-10, 01:44 AM

اي عيد؟

هذا جزانا نجهز الحفله للمتنافسين { لخالد ورنق}
خلاص مافي عشا ^_^

النيــــزك

21-03-10, 01:45 AM

الله يعافيك ويطول في عمرك أخي نايف ولا يحرمني منك

وشاكر لك دعمك وتشجيعك وكلماتك الطيبه

واتمنى إني أكون قد نجحت ولو بدرجة مقبول في تقديمي للمسابقه لأن هذي أول تجربه لي في هالمجال

فالعذر والسموحه منك ومن الجميع عن أي تقصير

لك الود ووافر الإحترام وللجميع

خالد العبدالله

21-03-10, 01:49 AM

السلام عليكم

أقول يا عيال .. حلوه سكبتي كذا
وإلا أروح أطق الكرفته أحسن !!

بسرعه علموني .. أخاف يبدأ الحفل وانا ماتكشخت

<---- اول مره يفوز بجائزه
ههههههههههههههههههههههههههههههه

خ.ألـد

النيــــزك

21-03-10, 01:50 AM

السلام عليكم

وعليه يكون الفائز بالوسام وبالمركز الأول في هذه المسابقه

هو

الأخ الغالي .. خـالد العبدالله

وألف ألف ألف مبروك عليك الوسام يابطل

وحظ أوفر لمن لم يحالفهم الحظ

كما أشكر جميع الأخوة والأخوات الذين أسعدونا بمشاركاتهم بكل هذا الحماس

مما أضفى على هذه المسابقة روح المنافسة والمتعة في نفس الوقت

كما لا يفوتني أن أتقدم بوافر الشكر والتقدير للأخوة الذين أيدوا ودعموا

فكرة طرحها وعلى رأسهم أخي وصديقي الغالي الوجــيه

الذي تعهد بعمل وتصميم وسام الفوز وكذلك تفضله بعمل بنر في

الصفحة الأولى منذ اللحظة الأولى التي بدأت بها

والشكر موصول أيضا لمراقبة القسم العام الأخت الغالية الرونق ومشرف القسم الأخ الغالي القرار لدعمهما وتشجيعهما الذي لم ينقطع

والآن ماعليك اخوي خالد الا انك ترز صدرك لأخوي الوجيه عشان يقلدك

الوسام هههه

وإلى لقاء آخر في مسابقة أخرى بإذن الله

والسلام عليكم ورحمة الله وبركاته

وبااااركوله يستااااهل

http://up.g4z4.com/uploads/5f42bc22b8.jpg

حسين الشمري

21-03-10, 01:54 AM

ألف ألف مبروك ألف ألف

أبــو الوليد تستاهل

وما قصرت يالنيزك وعساك على القوه

ورونق ترجع وتقول يالقرار خلك متابع

مشاعر انثى

21-03-10, 02:00 AM

الله يسعدك ياخالد ضحكتني على الكرفته

بس مااقول إلا
الف الف الف مبروووووووووووك الفوز
وشوف حتى الألعب الناريه جهزناها { على قولة رونق كأن العيد بكرى}

^_^

الصوت المسموع

21-03-10, 02:03 AM

مبروك للفائز / خالد العبد الله

وحظ اوفر للي ما فاز

عبدالرحمن منصور

21-03-10, 09:35 PM

أولاً .. أعتذر عن تأخري في الحضور
فهي عادتي دوماً للأسف

وألف ألف مبروووووووك
لك أخي / خالد العبدالله
هذا الفوز المستحق عن جدارة
وأسال الله لك التوفيق دنيا ودين

وأشكرك أخي العزيز / النيزك
على روحك الطيبة المتسامحة المرحة
وعلى كل ما بذلته من وقت وجهد
لكي تتم هذه المسابقة بهذا الشكل الرائع
من بداية انطلاقتها وحتى النهاية
فلك كل الشكر على ذلك والشكر دونك يقصر

والشكر موصول لكل من شارك وتفاعل وحضر
فهم من أثرى هذه المسابقة بالتفاعل والحضور وكتب لها النجاح بعد توفيق الله

وسوف يتم إن شاء الله وضع وسام المسابقة
في خانة هوية الفائز / خالد العبدالله
ليكون هو الوسام الثاني الذي يحصل عليه
تبقى أن يحصل على وسام ثالث
لكي يدخل ضمن المجموعة الذهبية
والتي سيعلن عنها قريباً إن شاء الله

كم انه سوف يتم منح الأخ / النيزك
وساماً تقديراً لجهوده الملموسة في إقامة هذه المسابقة
ولمشاركاته الفعالة والقيمة في جميع أقسام المنتدى
بالإضافة إلى شهادة شكر وتقدير مقدمة من إدارة قطرات أدبية ستسلم إليه شخصياً
http://www.alghaly.net/Cards/A_11_2.jpg

لكم جميعاً كل التحية والود
الوجيه

مشاعر انثى

21-03-10, 09:53 PM

يسعدني انا ايضاً ان اشكر القدير { الوجيه } على مبادرته الطيبه
وكماأشكر الأخ النيزك لما رأينا فيه روح الطيبه فيه وإتقان عمله ومزاولة المسابقه بشكل راااااائع ويُشكر عليه { ومبروك الوسام } وتستاهل 00
وكذالك الفااااائز الأخ { خالد } على حصوله على المركز الأول وحصوله على الوسام
وكم اسعدتنا تلك المسابقه الطيبه والممتعه التي تعلمنا منها الفائده وسرعة الإجابه 00
الكل هنا اقول لكم
كونوا بخير
وتحياتي لكم00

خالد العبدالله

22-03-10, 02:30 PM

السلام عليكم

أخواني
و
خيـواتي

النيزك .. القرار .. رونق
مشاعر أنثى .. الصوت المسموع .. الوجيه

الله يبارك بأعماركم .. ويرزقكم على قد نواياكم
وعقابل ما أفرح بزواج بعضكم .. وزواج عيال بعضكم
وزواجي أنا بعد .. بس قولوا آمين
هههههههههههههههههه

لاهنتوا .. والشكر موصول للنيزك اللي بجد خلق بيننا روح تنافس
وأعطانا فرصه من وقته .. رغم كل التعب اللي سويناه له
شكرا" قد ( طولي ) يا النيزك
وشكرا" لكل من شارك معي .. ونافسني
( رغم انكم عجزتوا عني ) خخخخخ
لكن مشكورين على كل شي ..

خ.ألـد