انا امس العصر

[مطر]

انا امس العصر في راس رجم الشقا عديت
تعليت راسه ليتي ماتعليته
.
.
واخذت وعطيت مع الهواجيس لين امسيت
اشده وارده واسترده ورديته
.
.
على الهون يا هم(ن)فرى الجوف وش سويت
بقى في الكرامه خافي الدمع وابديته
.
.
انا ماخبر اني قد رميت الهدف واخطيت
لكني رميته عقب شيبت واخطيته
.
.
رميته وانا مرهي وليتني مارهيت
اظني رفعت العقب والشارب ارخيته
.
.
ولو الله وامرني قبل ارمي الهدف سميت
عقرته وشنكرته ول الربع ضويته
.
.
لكن اجزلت دلوي على طيت البريت
طويت الرشا والدلو في قاع بريته
.
.
وبعد غاب قرص الشمس ماشفت بس اوحيت
سمعت اشهب السرحان يقنب وجاريته
.
.
واظنه يقول انت على الرجم ليش ابطيت
ترى رزقي يا ابيض الوجه سديته
.
.
تحور وتدور ومقعين كانك العفريت
تبي ذبحتي من شان تيس تعشيته
.
.
انا لي عيال ولي جماعه وربة بيت
يبون العشا وانت من العصر لديته
.
.
عسى من يلومك في العوا يا بعيد الصيت
على راس مدهون الثوى ينهدم بيته
.
.
انا ادعي بعزك في صلاتي ليا صليت
وليا اوحيت من يدعي وينجلك هبيته
.
.
وانا والله ماملك الا ياليت وليت
ولو التيس الي جيتك بتومه وذكيته
.
.
انا جايزلي ماتسويه لين قضيت
على الضين في جون خلا ثم توليته
.
.
شجاع صميدع بس لوحيتها رديت
الا وقعت حولك غداك امس رديته




مهل الشيباني

[محمد الطيب]

بوح رائق معبر وعميق