دوري بلياردو .. وبداية التسجيل ..

[نايف الشمري]

السلام عليكم ورحمة الله وبركاته

اسعد الله ايامكم بكل خير ..

بودنا ان نسوي دوري للبلياردو ..

وبودي ان ارى ارائكم ومقترحاتكم ..

ففي رمضان .. تم عمل دوري وكان ناجح ..

كان عدد الاشواط 3 وبودي ان نزيدها الى 5

فقط هذا مالدي ..

ومن يود المشاركه يسجل اسمه هنا ..

ايضا بودي تكون هناك لجنه يعني واحد او اثنين حتى يتابعون المباريات والنتائج ويحددون الوقت المناسب لإقامة المباريات ويوزعون المجموعات ويضعون الجدول ..

طبعا انا في الدوري السابق ان اللي سويت هالاشياء .. لذلك انا ابعد نفسي من هذا العمل

وسلامتكم

[نايف الشمري]

انا واحد من المشاركين

[ماااريا]

نايف الشمري


مي تو

[مــنــــــآل]

وأنا معكم مشاركة بإذن الله
تحياتي لك نايف الشمري
ولجميع المشاركين باللعبة
بروح أسوي تسخين من الحين
لازم افوز... :qtrat (47):

[إحساس صادق]

تسلم عليكم امي وتقولكم هل البلياردو يوكل

هههههههه امزح

بس انا ممكن اشجع من يبيني اشجعه يقول ونحن في الشوفة

تحياتي

[شادي الثريا]

بما اني بطل ماوراء الرياض في البلياردو
فأنا معكم .. بس مالي علاقه في اي شي غير اني العب


تخبرون الأبطال ماعندهم وقت الا للفوز

[شادي الثريا]

طيب يالربع ..

انا الحين سجلت معكم ولا ادري وشهي السالفة
وين بنلعب ..؟ وش لون بنلعب ..؟؟

على من العصي حقة البلياردو علينا ولا على المنتدي خخخخخخخخ
اخبر سلطان ولدي محترف في ذا اللعبه بخلية يعطيني دورة
بس انتو اعطوني العنوان حق النادي اللي نسجل فيه وما عليكم في الباقي

اسدحو العنوان هنا وعلموني وين ومتى وكيف
لأني اشوف رونق قامت تهايط من الحين وتتحدي

اقول ياام عبد الرحمن الميدان ياحميدان

[شادي الثريا]

هذي الطاوله اللي بنتدرب عليها انا والعيال تخبرون المحترفين مايضيعون الوقت في الهياط مثل بعض الناس


http://www.tt5.com/files/2010/05/collection-of-billiard-ideas-photos-1.jpg

[شادي الثريا]

http://s-ak.buzzfed.com/static/imagebuzz/terminal01/2009/6/14/14/sofa-billiard-table-21135-1245002899-2.jpg

هذي الكنبة حقتي اللي في البيت مايحتاج التدريب منا وفينا وحن جالسين نلعب بلياردو
يعني من الحين لا احد يتحدى

[شادي الثريا]

الصورة تتحدث عن بطولاتي ايام الحارة http://www.tarooti.net/upfiles/7Xo32630.jpg

[شادي الثريا]

هااااااااه باقي في راسكم شي

[مــنــــــآل]

طيب يالربع ..

انا الحين سجلت معكم ولا ادري وشهي السالفة
وين بنلعب ..؟ وش لون بنلعب ..؟؟

على من العصي حقة البلياردو علينا ولا على المنتدي خخخخخخخخ
اخبر سلطان ولدي محترف في ذا اللعبه بخلية يعطيني دورة
بس انتو اعطوني العنوان حق النادي اللي نسجل فيه وما عليكم في الباقي

اسدحو العنوان هنا وعلموني وين ومتى وكيف
لأني اشوف رونق قامت تهايط من الحين وتتحدي

اقول ياام عبد الرحمن الميدان ياحميدان

هلا وغلا ابو فايزة
اللعبة الله يسلمك بتكون في موقع القيمزر
لايكون ماتعرفه بعد ؟!
عادي ادخل بالموقع وسو لك حساب هناك واجلس طامر هناك وتمرن
لين يطلع أسمك وينادونك الإدارة ..بس هاه مو تجلس تسولف بالشات وتنسى التمرين
على العموم هذا رابط الموقع وأي سؤال حاضرين للمهايطين :qtrat (31)::qtrat (31)::qtrat (31):

http://gamezer.com/billiards/ (http://gamezer.com/billiards/)

[شادي الثريا]

اقول يالربع سجلت وش السواة الحين

[مــنــــــآل]

اقول يالربع سجلت وش السواة الحين

أدخل أي روم والعب .. تبي تلعب مع الحاسوب
والا مع اللاعبين اللي هناك

[شادي الثريا]

أدخل أي روم والعب .. تبي تلعب مع الحاسوب
والا مع اللاعبين اللي هناك


مايحتاج لعبت واستعنت بصديق اوريكم اذا ما بهذلتكم


خطير هالولد اثرة محترف

[إحساس صادق]

أنا من الصور اللي سدحها شادي بشجعه بصراحة اثبت انه محترف

خاصة يوم كان يلعب في الحاره في فن في فكرة في ابتكار :qtrat (9):

بس بجمع كم هتافه حماسيه وارجع

شادي هوهو ...... عاش الحريف :qtrat (23)::qtrat (23)::qtrat (23):

[شادي الثريا]

أنا من الصور اللي سدحها شادي بشجعه بصراحة اثبت انه محتراف

خاصتا يوم كان يلعب في الحاره في فن في فكرة في ابتكار :qtrat (9):

بس بجمع كم هتافه حماسيه وارجع

شادي هوهو ...... عاش الحريف :qtrat (23)::qtrat (23)::qtrat (23):


هلا والله احساس صادق

تعجبيني ماتختارين الا المحترفين :)
وخاصة واحد محترف مثلي يحصد النقاط حصد
لأني زمان كنت بطل ماوراء الرياض في الكيرم

[إحساس صادق]

هلا والله احساس صادق

تعجبيني ماتختارين الا المحترفين :)
وخاصة واحد محترف مثلي يحصد النقاط حصد
لأني زمان كنت بطل ماوراء الرياض في الكيرم


أنا من يوم تعرفت على وأنا ذوقي رفيع علشان كذا شجعتك

بس الكيرم كلها قربعة تصقيع في تصقيع كنت العبها يوم كنت اجالس عيال اخوالي من يوم تغطيت ما شفتها

انتبه على عمرك وتدرب لا تفشلنا :qtrat (31)::qtrat (31)::qtrat (31):

[نايف الشمري]

نايف الشمري

ماريا

رونق

شادي الثريا


ولازلنا ننتظر البقية للمشاركة

[حسين الشمري]

بالتوفيق للجميع ، وتمنياتي لكم بأجواء حماسيه
تطغى عليها الروح الرياضيه ، سنكون لكم
متابعين ومشجعين ...

أبو ياسر يعطيك العافيه .

[ماااريا]

صباح الورد للجميع

ممكن اعرف ايمتة راح تبدا المباريات

بس اماني ما بدنا نلعب قيم بطاولات شادي وخصوصا الافريقية

اكيد هو بس بفووز ........


تحياتي

[ج’ــزل المعاني]

قيمزررررررررررررررررر:8

سجلوني وياكم
http://img35.imageshack.us/img35/3697/30374116.png

لا احد يدقق بالصورة
عشانها الناس تلعب معاي

سجلوني

[نسيان]

انا جديده هنا اتفرج و اشوف من الحريف باللعبه و ولازم اعرف القوانين
و بعدين اراهن و اشجع ..
الفروسيه حنا لها
و الكيرم حنا بعد حريفين ..
بعمري ما لعبت البليارد الا كم مره
يعني مو ذاك الزود
لكن نشوف
عاشوا عاشوا اللاعبين
ترانا متفرجين حقيقين

[الوردة الظامية]

:3

:3



ياعرب متى بيبدأ هالدوري ؟

صح إني مااعرف له ولا بتابع بس بشجع خيي جزل المعاني

وابغاه يجي ويبطل كسل :qtrat (7):

ربي يسعد قلوبكم ..:7

[شادي الثريا]

سجلوا سلطان ولدي معكم علشان لو صار ما صار يكون لي امل في الفوز

[مشاعر انثى]

الشكوى لله

بسجل
واسدحوا اسمي معكم
لانكم كسرتوا خاطري
فقلت لازم اعطيكم من ابداعاتي شوي
هههههههههههههههه

خلاص اتفقنا

اجل انا وسلطان شادي فريق واحد

[ج’ــزل المعاني]

وراو الشعب نايم

ولا بس جات الفكرة و بس https://www.qtrat.com/vb/images/smilies/qtrat%20(35).gif



يا خيتي توسطي لي

[مشاعر انثى]

لا تخاف ياجزل

اللعبه جايه بس انت شدّ الهمه
وشمّر ذراعك ههههههههههههههههه

حياك ياجزل

[الوردة الظامية]

وراو الشعب نايم

ولا بس جات الفكرة و بس https://www.qtrat.com/vb/images/smilies/qtrat%20(35).gif



يا خيتي توسطي لي




يالله تحيي خيي
ماعليك وأنا أختك الفرج قريب :)
أهم شيء ماتبعد واجد ..:7

[ج’ــزل المعاني]

شديت الهمة و تقطعت
و شمرت و لا به شيء





خيتي انتظر الفرج

[نايف الشمري]

السلام عليكم
وعذرا على التأخير

بودي ان يكون هناك من يتكفل في ادارة اللعبه ووضع الجدول

واختيار الوقت والمكان واعلان النتائج ومتابعة المباريات

اما البداية فيحددها المتكفلين


فالمجال مفتوح لمن يرغب بذلك ويحل لنا هذه القضيه ويطلق لنا صافرة البداية

وسلامتكم