أنــا وجارتـي ..!

[مــنــــــآل]

السلام عليكم ورحمة الله وبركاته

اسعد الله صباحكم ومساءكم بالخيرات والمسرات
وابعد عنكم اللقافة اللي مالها داعي ..

الموضوع هنا صحيح هو للمناقشة ولكن ماهو بقضية بقدر ماهو مواقف
تعرضت إليها و أحرجت نفسي بنفسي والسبب " لقافتي "

أحيانا ً نتدخل بالناس ليس من باب لقافة أو حب استطلاع
ولكن هو بمثابة حرص أو اهتمام بالآخرين رغم أن الآخرين " مادروا عنك "


/
\

قبل أربع سنوات تقريبا ً سكن العمارة التي بجانب بيتنا رجل يدعى ابو غلا ( مو حسين واحد ثاني ) هو وزوجته وأطفاله ..

أم غلا زوجة أبو غلا ماكان لي احتكاك معها وعلاقتي بها طيبة
لكن ماهي بقوية .. فأنـا لم اقم بزيارتها إلا مرة وبادلتني الزيارة مرة وتوقفنا هنا
وفي يوم شتوي بارد .. قمت بإخراج ولدي الصغير عند موقف انتظار (سيارة الروضة )
وبالعادة كانت ام غلا تقف معي ترافق ابنتها الصغيرة غلا أيضا لانتظار موعد السيارة
إلا أن ذاك اليوم لم تأتي أم غلا وطفلتها ..
أقبلت سيارة الروضة وركب ولدي بها وعدت إلى البيت ..
وبعد خروج ولدي للروضة استعديت أنـا للذهاب إلى مدرسة تحفيظ القرآن
و خرجت لإنتظار سيارة مدرسة التحفيظ بنفس موقف انتظار سيارة رياض الاطفال
إلا أنني تفاجأت أن أبو غلا مع أبنته غلا متواجدين بالموقف
حزنت على غلا بأنها تقف تنتظر السيارة والسيارة غادرت (منذ مبطي )
ولاسيما بأن الجو بارد جدا ً وخفت عليها تمرض ..
هنا أشتغلت أحاسيس (اللقافة ) بدفعي نحو ابو غلا لأخبره بأن سيارة الروضة فاتتهم
حاولت أن اغض النظر عنهم والزم الصمت لكن مااستطعت
وتقدمت قليلا نحوهم
( السلام عليكم .. اخوي ابوغلا ترى باص الصغار راح )
إلا أن ابو غلا ماكلف خاطرة حتى برد السلام وماتفوه إلا بكلمة ( أدري )
هنا تمنيت أن لو أن الأرض تنشق وتبتلعني ..
فلا أعلم هل أنا التي غلطت بإخباره ..وأقحمت نفسي ووضعتها بموقف محرج جدا ً
أم انه هو ( قليل ذوق ) وماقدر حرصي على وقتهم وعلى صحة صغيرته من البرد ..


/
\


يتبع .. دقايق بس :7

[مــنــــــآل]

الموقف الأول كان مع ابو غلا ..
ام موقفي هذا فهو مع المليحة أم غلا ..

في آخر السنـة الدراسية تقوم الروضات والمدارس
بإقامة حفل تخرج او حفل ختامي .. ويتم فيه استدعاء الأمهات ولاسيما برياض الأطفال
وذهبت لحضور حفل تخرج صغيـري
إلا انني تفاجأت بأن أم غلا ماحضرت لاهي ولا طفلتها غلا
وفي ختام الحفل .. قامت معلمات الفصل بتوزيع الهدايا والجوائز وملف لكل طفل وطفلة
هذا الملف يحتوي على كل اوراق الأعمال والواجبات التي عملها الطفل طول السنة
بالإضافة إلى شهادة التخرج وصورة للطفل مرتدي قبعة ولبس التخرج ..
كل طفل تستدعيه وتنادية المعلمة يحضر لها لتسلم له هديته وملفه الشخصي
صاحت المعلمة بإسم غلا لابارك الله بعدوها .. لا مجيب .. غلا متغيبة ولم تحضر
وفي النهاية وقبل الخروج ذهبت لمعلمة الفصل وطلبت منها أن تسملني
هدايا غلا وملفها وشهادتها .. لأقوم أنـا بتسليمهم اياه بحكم الجيرة والمعرفة
وفعلت المعلمة ذلك بل فرحت بذلك وشكرتني عليه ..

اخذت الملف والهدايا .. وعند وصولي إلى البيت اتجهت أنا وولدي إلى بين جارتي (ام غلا )
وضربت جرس الباب .. وثواني واجابت أم غلا
مين ..؟!
أنـا أم عبدالرحمن ..
فاجأتني بجواب صفعني .. هلا ام عبدالرحمن ابو غلا ماهوب فيه
انصدمت وشعرت وكأنني جاية لـ ابو غلا ..
قلت انا جاية من حفل ختام الروضة
ومستعجلة بس حبيت اعطيك ملف التخرج حق غلا وهديتها
قالت والله ياام عبدالرحمن ابو غلا ماهو فيه ما اقدر افتح الباب
قلت طيب دقي عليه وقوللي له ..
قالت لا ما اقدر اتصل هو منبه علي ما ادق إلا للضرورة
قلت طيب وملف بنتك وش اسوي فيه ؟
قالت مدري ..خليه معك
قلت ارسله مع عبدالرحمن المغرب ؟
قالت انا اكلمك لان يمكن نطلع مانكون موجودين ..
قلت خير ان شاءالله
صكت بعيوني الدنيا .. وتحسفت على جيرتهم وعلى تفكيري فيهم
وجلست طول اليوم أفكر بهذا الموقف

محاور المناقشة هنا كثيرة للغاية
هل هذا جزاء كل " الملاقيف " ؟؟
وهل أم غلا كانت صادقة فيما تقوله ؟
وإن كانت صادقة لما كل هذا الخوف والحذر من الناس ؟
والناس ماذا تريد من النــــاس ؟؟

/
\


لكم الصفحـة بما حوت .. ولكم الحرية بالتعليق
تحياتــــي .. :7

[الوردة الظامية]

رونق يالغالية والله عجزت أقدر أكتب شيء من الضحك

بس لاتخافين مو كله ضحك عليك لأنك كفو والله وماقصرتي

فالموقف الثاني أما الموقف الأول تستاهلين والله :qtrat (9):

بس صدقيني الناس تغيرت وصارت تحب القطيعة ولا أحد يعرف جاره

اللي جنبه مين والكل مشغول فنفسه وناسي إن الرسول عليه الصلاة والسلام

بسابع جار وحنا أول واحد ماندري عنه ..


ربي يعطيك على قد نيتك ولا تهتمين دامك سويتي اللي عليك ..

الله يسعد قلبك بحجم السعادة التي وجدتها هنا ..

لقلبك الأمان ..

[مــنــــــآل]

رونق يالغالية والله عجزت أقدر أكتب شيء من الضحك

بس لاتخافين مو كله ضحك عليك لأنك كفو والله وماقصرتي

فالموقف الثاني أما الموقف الأول تستاهلين والله :qtrat (9):

بس صدقيني الناس تغيرت وصارت تحب القطيعة ولا أحد يعرف جاره

اللي جنبه مين والكل مشغول فنفسه وناسي إن الرسول عليه الصلاة والسلام

بسابع جار وحنا أول واحد ماندري عنه ..


ربي يعطيك على قد نيتك ولا تهتمين دامك سويتي اللي عليك ..

الله يسعد قلبك بحجم السعادة التي وجدتها هنا ..

لقلبك الأمان ..






أهلين الوردة الظامية

يابنت الحلال انا ادري ان الجيران تغيروا ولاعادوا مثل اول
لكن ماهو للدرجة ذي ..
انا هنا يشهد الله أن تفكيري كان كله حرص وزود اهتمام
جبت لها ملف بنتها وربي من باب الحرص وابي غلا تفرح بالالعاب والهدايا وتشوف صورتها
لأني كنت عارفة أن هذا اليوم الآخير للروضة ومن بعده بتقفل أبوابها
مدري ام غلا تحسب اني جايتها بسير عليها وبدخل ابسط واتقهوى
رغم أني بينت لها أني مستعجلة وانا صادقة كنت مستعجلة وراي غدانا وبيتنا
بس الشكوى الله طلعت ماتفهم ..

الوردة تحياتي لك يالغالية
وربي يديم عليك الضحكة والسعادة .

[نايف الشمري]

ودي احط صورة واحد يضحك ويشمت

بس خايف من العقوبه


لجل كذا اقول

اللهم لاشماته



رونق ..

انذهلت من طريقة تعاملهم ..

وكيف استطاعوا ان يردوا بمثل ماردوا فيه ..

وهل هذه طباعهم وتعاملهم مع الكل ..

اسئله كثيره وعلامات استفهام بحالهم .:9:9.



هذي درس لك .. لجل ماتتلقفين .. مع اللي ماتعرفينهم

وبالحقيقه هي ليست لقافه .. بل هو فعل خير .. في زمن اصبح فعل الخير لقافه ..:qtrat (6):

[مــنــــــآل]

ودي احط صورة واحد يضحك ويشمت

بس خايف من العقوبه


لجل كذا اقول

اللهم لاشماته



رونق ..

انذهلت من طريقة تعاملهم ..

وكيف استطاعوا ان يردوا بمثل ماردوا فيه ..

وهل هذه طباعهم وتعاملهم مع الكل ..

اسئله كثيره وعلامات استفهام بحالهم .:9:9.



هذي درس لك .. لجل ماتتلقفين .. مع اللي ماتعرفينهم

وبالحقيقه هي ليست لقافه .. بل هو فعل خير .. في زمن اصبح فعل الخير لقافه ..:qtrat (6):

:qtrat (31):

والله يابو ياسر ما أدري عن الناس
هل هو هذا سكلهم ونهجهم مع كل اللي حولهم وإلا لا
بس بجد أستغربت من تصرفه وتصرفها ..
وبالنسبة للدرس والله احاول اني اتعلم بس ابو طبيع مايتوب عن طبعه
وهذا الموقف ماهو إلا نقطة في محيط المواقف التي تعرضت لها
عموما سيدي انا اشكرك على هذه المداخلة وهذه التواجد الكريم
دمت بحفظ الرحمن !

[خالد العبدالله]

السلام عليكم


أختي رونـق


إيه هذي رونق اللي نعرفها
عرفنا عنك المواضيه السهله و الرائعه .. فكنتي كذلك
و
نعرف عنك اللقافه و الـ ( شفايه ) .. فكنتي كذلك
ههههههههههههههههههههههههههههه


أم الدحمي .. بالنسبة لأبو غلا تستاهلين اللي جاك
:qtrat (31):

أما رد أم غلا .. فيمكن بنت الحلال معها واحد نفسه شينه ؟
واحد يمنعها تروح و تجي .. يمنعها تفك الباب لأي أحد
بعضهم عندهم أمراض نفسيه مالها علاج ..
الله يرفع عنهم ولا يبلانا ..



صحيح التواصل زين .. لكن ماهو كل أحد يستحق التواصل معه
فيه جيران لو إنه عاشر جآر .. تشتاق له وتسير عليه وتتطمن عليه
وفيه واحد قدام بابك .. لكن تكره جيرته وتكره حتى بيتك بسببه
الله لايحدنا إلا على جيران طيبين

سبحآن الله .. بعضهم تآمنه حتى على بيتك
وبعضهم ماتامنه على نفسك أبـد !!



لكن تدرين أم عبدالرحمن ..
شكل أم غلا و أبو غلا معنا بالمنتدى .. وعارفين إنك ملقوفه
عشان كذا سحبوا عليك يمكن
:qtrat (9):

:qtrat (9):









خ.ألـد

[كاريزما]

رونق ...

تحليلي للوضع ..
من ثلاثة نقاط ...

النقطة الأولى ...أبي أسوي مثل جيرانك وأقول أمكن أنت غاثتهم ويبون الفكه ..
عبر الصدمة علشان يفوقوك ..بعد اليأس من تنبيههم لك عبر طرق أخرى


النقطة الثانية ... اشعر أن الزوج أخلاقه تجارية ..وروحه بخشمه ..
وفيه من هذي النوعية كثير ...لا يستطيع الإنسان العيش معهم ..
أو أن الرجال حشيم ويستحي يوم كلمتيه ... وخجل ولا عرف يرد إلا بهذه العبارة (أدري)

النقطة الثالثة .. المرأة لعلها مريضة نفسياً .. أو جيتي لها في وقت لا يسمح لها بفتح الباب لظروف خاصة
وحبت التملص منك بتهام زوجها أن منبه عليها ..
والدليل أنها مي صاحيه يوم تقلك أبو غلا مو موجود ...وغاب عنها أنك جارتها وحرمة ما جيتي علشان أبو غلا


والله أعلم ..

رونق... اسعدك الله كم لي ما ضحكت
أدخلتي البسمة على الوجود من حولى
كوني بخير

[مــنــــــآل]

السلام عليكم



أختي رونـق


إيه هذي رونق اللي نعرفها
عرفنا عنك المواضيه السهله و الرائعه .. فكنتي كذلك
و
نعرف عنك اللقافه و الـ ( شفايه ) .. فكنتي كذلك
ههههههههههههههههههههههههههههه


أم الدحمي .. بالنسبة لأبو غلا تستاهلين اللي جاك
:qtrat (31):

أما رد أم غلا .. فيمكن بنت الحلال معها واحد نفسه شينه ؟
واحد يمنعها تروح و تجي .. يمنعها تفك الباب لأي أحد
بعضهم عندهم أمراض نفسيه مالها علاج ..
الله يرفع عنهم ولا يبلانا ..



صحيح التواصل زين .. لكن ماهو كل أحد يستحق التواصل معه
فيه جيران لو إنه عاشر جآر .. تشتاق له وتسير عليه وتتطمن عليه
وفيه واحد قدام بابك .. لكن تكره جيرته وتكره حتى بيتك بسببه
الله لايحدنا إلا على جيران طيبين

سبحآن الله .. بعضهم تآمنه حتى على بيتك
وبعضهم ماتامنه على نفسك أبـد !!



لكن تدرين أم عبدالرحمن ..
شكل أم غلا و أبو غلا معنا بالمنتدى .. وعارفين إنك ملقوفه
عشان كذا سحبوا عليك يمكن
:qtrat (9):

:qtrat (9):










خ.ألـد



هلا خالد ..وعليكم السلام

ليش ياخالد أستاهل اللي جاني من أبو غلا
يشهد الله اني كنت خايفة على بنته الصغيرة حرام منظرها بالبرد يحزن
ومابغيت الوقت يروح عليهم والسيارة رايحة عنهم
أنـــا ماكنت أبي من الرجـال شيء ويشهد الله أني كنت مستحية منه
بس ماقدرت أشوفهم جالسين ينتظرون واسكت عنهم
يعني وش فيها لو رد السلام وقال شكرا يعطيك العافية
ليه هالنفس الخايسة ؟! وعقدة هالحجاج من صباح الله ..


وام غلا .. انا اعرف ياخالد أن البيوت أسرار ويمكن مثل ماقلت ان نفسية أبو شباب شينة
ومحلفها ماتفتح باب ولاتستقبل احد في غيابه ..
لكن ماتعرف تقول كلام حلو وتشكرني وتعتذر مني ؟ هذا أسلوب بالله عليك؟
ياخالد هي ماحسستني حتى أنها خجلانة من تصرفها أو حتى قالت مشكورة يالغالية
أو أنها اتصلت علي بعد مارجع زوجها واعتذرت ورقعت سالفتها
بس قلعتي انا أستاهل .. وربي أستاهل اللي جاني منها ومن زوجها ..

/
\

أنــا كنت شاكة بحسين .. بس شفت صورته طلع غيره واحد ثاني

/
\

ربي يسعدك خالد ومشكور على هالمرور .

[مــنــــــآل]

رونق ...

تحليلي للوضع ..
من ثلاثة نقاط ...

النقطة الأولى ...أبي أسوي مثل جيرانك وأقول أمكن أنت غاثتهم ويبون الفكه ..
عبر الصدمة علشان يفوقوك ..بعد اليأس من تنبيههم لك عبر طرق أخرى


النقطة الثانية ... اشعر أن الزوج أخلاقه تجارية ..وروحه بخشمه ..
وفيه من هذي النوعية كثير ...لا يستطيع الإنسان العيش معهم ..
أو أن الرجال حشيم ويستحي يوم كلمتيه ... وخجل ولا عرف يرد إلا بهذه العبارة (أدري)

النقطة الثالثة .. المرأة لعلها مريضة نفسياً .. أو جيتي لها في وقت لا يسمح لها بفتح الباب لظروف خاصة
وحبت التملص منك بتهام زوجها أن منبه عليها ..
والدليل أنها مي صاحيه يوم تقلك أبو غلا مو موجود ...وغاب عنها أنك جارتها وحرمة ما جيتي علشان أبو غلا


والله أعلم ..

رونق... اسعدك الله كم لي ما ضحكت
أدخلتي البسمة على الوجود من حولى
كوني بخير




ربي يديم عليك البسمة والضحكة والسعادة

أخوي نمط ..
أنــا مالي أي احتكاك معهم وعلاقتنا طيبة لكن مافيها زيارات
حتى التليفون ماعندهم ماعندهم الا جوال يعني لازم ادق من جوالي
وجوالي دايم فقران مافيه رصيد .. يعني ماشافوا مني شي على شان يعاملوني كذا


كل الاسباب اللي ذكرتها واردة
لكن مالهم أي عذر بتصرفهم .. ومالها تفسير إلا أنهم ( متخلفين )
مايحسنون القول والتصرف مع الآخرين أو بالآحرى (الجـار)
ياشيخ النـاس مالهـا غناة عن النـاس والنـاس للناس والكل بالله
على العموم الناس أجناس وماندري عن تفكيرهم وقناعتهم
بس الأستغراب والإندهاش هواللي ذبحني ..


نمط سهل
تحيـاتي لك وكل الشكر لك .

[شادي الثريا]

رونق~

الطيب وابن الأصول في هالزمن بقولون عنه ملقوف ..؟؟
انتِ سويتي بأصلك وماقصرتي ولا عليك لوم ولا اعتبر اللي سويتيه لقافه
بالعكس اللي سويتيه شهامة واصول وجزاك الله كل خير على نيتك الطيبه
لان الجار للجار .. ولكن للاسف هذا الرجال نفسه خايسه وشكاك يشك في نفسه
يعني سبحان الله

ما اقول الا الله يستر على بناتنا من كذا رجاجيل


ابحكي لك ذا القصه عمرها اكثر من تسع سنين, مرة في صبحية توها ماجت الساعة سبع
وانا ساكن بشقة في جده .. وكنت وقتها لحالي عيالي في المدارس وزوجتي في المستشفى
وابطلع للدوام الا وجرس الشقة يدق وافتحه الا وهي وحده وتصيح وتقول عند الله ثم عندك دخلني لام العيال قبل لا يذبحني هالمجنون انا شعر راسي وقف من الخوف ولا عندي احد في البيت واقلها انا ماعندي حريم يااخيتي لكن وين شقتكم وانا بتفاهم مع بعلك ..؟؟ما امداني اقول ذا الكلمه الا وابو الشباب جاي من اخر السيب يسخط ويلعن
وهذي المخلوقة من شافته من الخوف ادخلت الشقه عندي ساعتها انا طلعت من الشقه ومسكت الرجال
قلت اذكر الله وهدي اعصابك والعن ابليس واخذته وقلت له يابن الخلال لا تخلي الشيطان يدخل بيتكم
ومن هالكلام اللي يخليه يهدى شوي واخذته من ايده ورحت شقتهم وحلفت عليه ما يطلع الين يهدي
انا قدرت اهديه والين قلبه بالرغم اني ما عرفت وش اللي بينهم وش اللي يخلي رجال يسوي زي كذا بحرمته
حظى اني دايم اشوفه ويشوفني ويشوف بزراني يوم يلعبون في الاسياب وارد عليه دايم السلام

ايوااااااااه

انا الحين في ذا البلشه وش اسوي لو عرف ذا النشبه ان ماعندي حريم في البيت اكيد بيذبحني ويذبحها
المهم بعد ما اخذت منه يمين مغلظ انه ما يظربها ولا يمد يده عليها الا بوجود واحد من اخوانها او اقاربها
وعدته اني اناديها له ولكن بعد يجي واحد من اخوانها وفعلاً دق هو على ابو البنيه وجا ابوها في ربع ساعه
خلال هالفترة احس ان قلبي بيوقف من الخوف وش اسوي لو درى انها بلحالها عندي في الشقه ولابه حريم
المهم جا ابوها وش السالفه وش القصه الرجال سكت وحسيت من نظرته انه ما يبيني اسمع وانا وقتها يوم شفت ابوها
استئذنتهم وقلت لبوها انا بزهم على عيالك وانتوا حلوا اموركم باتلتفاهم ... خرجت من عندهم وانا اقسم بلله اتنافظ من الخوف وش اسوي مع ذا المخلوقه .. المهم دقيت جرس بيتنا وتنحنحت وفتحت الباب الا وذا المخلوقه تقول صبة اسمنت من الخوف ولا حركه ولا نفس .. قلت اسمعيني يابنت الناس ابوك موجود ولا تركت بعلك الين زهم عليه
وجا "انا الى هنا كثر خيري" وانتي على شان لا تزيدين الطين بله اخرجي وانا بجي بعدك لا كن احذريني واحذرك انهم يدرون ان ماعندي حريم في الشقه .. يشهد الله ان المخلوقه ماقالت الا ابشر وبيض الله وجهك وطلعت من عندي
وراحت شقتهم انا هنا تنفست الصعداء وحمدت ربيي ان جاب العواقب على ما تمنيت

طيب الحين انا تصرفت غلط ولا صح ..؟؟
ان تركتها بيذبحها ويهينها في الشارع
وان طعتها جبت لنفسي مصيبه انا في غنا عنها ..؟؟
هل تصرفي كان صحيح بالرغم انه غصب عني
وهل سكوتي كان فيه حكمه خلا الرجال يعتقد ان الحرمة عند حرمتي


ما ادري قولولي انتم


ولكن لان الله عالم بالنيات سلمنى وسلم ذا المخلوقه اللي الله يستر عليها وين ماتروح


رونق ~

احياناً تجربنا شهامتنا على السقوط في مواقف باتت في زمننا هذا عيبه
بالرغم ان تصرفاتنا كانت في قمة الشهامه ..؟؟

كفو والله ياام دحيم

[مــنــــــآل]

رونق~

الطيب وابن الأصول في هالزمن بقولون عنه ملقوف ..؟؟
انتِ سويتي بأصلك وماقصرتي ولا عليك لوم ولا اعتبر اللي سويتيه لقافه
بالعكس اللي سويتيه شهامة واصول وجزاك الله كل خير على نيتك الطيبه
لان الجار للجار .. ولكن للاسف هذا الرجال نفسه خايسه وشكاك يشك في نفسه
يعني سبحان الله

ما اقول الا الله يستر على بناتنا من كذا رجاجيل


ابحكي لك ذا القصه عمرها اكثر من تسع سنين, مرة في صبحية توها ماجت الساعة سبع
وانا ساكن بشقة في جده .. وكنت وقتها لحالي عيالي في المدارس وزوجتي في المستشفى
وابطلع للدوام الا وجرس الشقة يدق وافتحه الا وهي وحده وتصيح وتقول عند الله ثم عندك دخلني لام العيال قبل لا يذبحني هالمجنون انا شعر راسي وقف من الخوف ولا عندي احد في البيت واقلها انا ماعندي حريم يااخيتي لكن وين شقتكم وانا بتفاهم مع بعلك ..؟؟ما امداني اقول ذا الكلمه الا وابو الشباب جاي من اخر السيب يسخط ويلعن
وهذي المخلوقة من شافته من الخوف ادخلت الشقه عندي ساعتها انا طلعت من الشقه ومسكت الرجال
قلت اذكر الله وهدي اعصابك والعن ابليس واخذته وقلت له يابن الخلال لا تخلي الشيطان يدخل بيتكم
ومن هالكلام اللي يخليه يهدى شوي واخذته من ايده ورحت شقتهم وحلفت عليه ما يطلع الين يهدي
انا قدرت اهديه والين قلبه بالرغم اني ما عرفت وش اللي بينهم وش اللي يخلي رجال يسوي زي كذا بحرمته
حظى اني دايم اشوفه ويشوفني ويشوف بزراني يوم يلعبون في الاسياب وارد عليه دايم السلام

ايوااااااااه

انا الحين في ذا البلشه وش اسوي لو عرف ذا النشبه ان ماعندي حريم في البيت اكيد بيذبحني ويذبحها
المهم بعد ما اخذت منه يمين مغلظ انه ما يظربها ولا يمد يده عليها الا بوجود واحد من اخوانها او اقاربها
وعدته اني اناديها له ولكن بعد يجي واحد من اخوانها وفعلاً دق هو على ابو البنيه وجا ابوها في ربع ساعه
خلال هالفترة احس ان قلبي بيوقف من الخوف وش اسوي لو درى انها بلحالها عندي في الشقه ولابه حريم
المهم جا ابوها وش السالفه وش القصه الرجال سكت وحسيت من نظرته انه ما يبيني اسمع وانا وقتها يوم شفت ابوها
استئذنتهم وقلت لبوها انا بزهم على عيالك وانتوا حلوا اموركم باتلتفاهم ... خرجت من عندهم وانا اقسم بلله اتنافظ من الخوف وش اسوي مع ذا المخلوقه .. المهم دقيت جرس بيتنا وتنحنحت وفتحت الباب الا وذا المخلوقه تقول صبة اسمنت من الخوف ولا حركه ولا نفس .. قلت اسمعيني يابنت الناس ابوك موجود ولا تركت بعلك الين زهم عليه
وجا "انا الى هنا كثر خيري" وانتي على شان لا تزيدين الطين بله اخرجي وانا بجي بعدك لا كن احذريني واحذرك انهم يدرون ان ماعندي حريم في الشقه .. يشهد الله ان المخلوقه ماقالت الا ابشر وبيض الله وجهك وطلعت من عندي
وراحت شقتهم انا هنا تنفست الصعداء وحمدت ربيي ان جاب العواقب على ما تمنيت

طيب الحين انا تصرفت غلط ولا صح ..؟؟
ان تركتها بيذبحها ويهينها في الشارع
وان طعتها جبت لنفسي مصيبه انا في غنا عنها ..؟؟
هل تصرفي كان صحيح بالرغم انه غصب عني
وهل سكوتي كان فيه حكمه خلا الرجال يعتقد ان الحرمة عند حرمتي


ما ادري قولولي انتم


ولكن لان الله عالم بالنيات سلمنى وسلم ذا المخلوقه اللي الله يستر عليها وين ماتروح


رونق ~

احياناً تجربنا شهامتنا على السقوط في مواقف باتت في زمننا هذا عيبه
بالرغم ان تصرفاتنا كانت في قمة الشهامه ..؟؟

كفو والله ياام دحيم


لا والله ماغلطت .. بالعكس تصرفك رجولي
أنت تصرفت بشهامتك ماقدرت تقفي عن الضعيفة يوم أنها تنخاك وتطلبك تساعدها
بس الناس ياشادي صاروا يبون الزلة على الناس ..
ما احد صار يميز بين الصح والغلط ومثل ماقال نايف فعل الخير صار لقافة

ومثل ماقلت أنا في ردودي أني ماكنت أبي منهم شي لا يوم أكلم أبوغلا
ولا يوم أصعد لـ أم غلا في شقتها وقدم لها أغراض بنتهــــا
ياشادي الرجـال مهما صار قوي على زوجتـه صدقني زوجته أن بغت تصير أقوى تصير
وان مابغت قالت ظالمني ومسوي لي وحارمني ..
معنى كلامي أن أم غلا لو أنها حابـة تستقبلني بتستقبلني وبتعرف من أي باب تدخل فيه لزوجها
هذا أن كان منبه عليها وحالف أنها ماتستقبل أحد في غيابه ..

ومثل ماقلت المسألة مسألة ذوق وأخلاق حسن تصرف مع الناس
فيه ناس اعوذ بالله وربي مثل البزران يمكن البزر يتصرف ويتكلم ويفكر أحسن منهم


على العموم أنــــا متشكرة لك على هذه المداخلة الأكثر من رائعة
وعلـى ذكر هذا ( الأكشـن ) بس غلطت الله يهديك انك ماعرفت وش بينه وبينها
وليه الرجال بغى يـذبحهـــا..!:qtrat (31):
تحياتي لك ..

[شادي الثريا]

على العموم أنــــا متشكرة لك على هذه المداخلة الأكثر من رائعة
وعلـى ذكر هذا ( الأكشـن ) بس غلطت الله يهديك انك ماعرفت وش بينه وبينها
وليه الرجال بغى يـذبحهـــا..!https://www.qtrat.com/vb/images/smilies/qtrat%20(31).gif
تحياتي لك ..



هههههههههههههههههههه

لا انا الحين بصمت بالعشر ان تصرفاتك كانت لقافه