قصيده بمناسبةعودة خادم الحرمين الشريفين الملك عبد الله بن عبد العزيز الى ارض الوطن سالماً معافاً)
يامرحبا ياخـادم البيتيـن يالحـر القطـام
ترحيبـةٍ فـي وقتهـا مايختلـف منزالهـا
من قلب صادق يدفعه حب المليك ابن الإيمام
العاهل اللي يحمـي الكلمـه اليامـن قالهـا
صقر العروبه كاسب الأمجاد شيال الجسـام
اللي اليا صعبت على الرديان قـام وشالهـا
مقدام شعبٍ مايعرف الـذل لأثـار العسـام
شرق البلا د وغربهـا وجنوبهـا وشمالهـا
ياما سهرنا فـي غيابـه ماتهنينـا المنـام
نسأل عنـه ونعـدد أيـام السنـه والليالهـا
حتى رجع للديره اللي علهـا وبـل الغمـام
الخير مـن يمنـاه عـم سهولهـا وجبالهـا
أستبشر الشعب السعودي فيه والبيت الحـرام
يسهر على شان المواطـن والعـلا يسعالهـا
جيت رفيع الشان مثل النور جـلاي الظـلام
الله يخلـي للجـزيـره بــدره وهلالـهـا
ويلبسه ثوب العوافي والسعد في كـل عـام
ويحل صعبات الأمور اللي أطـوال أحبالهـا
المكرمه من سيدي شادوبها النـاس الكـرام
الله يجازي راعي الحسنـه بعشـر أمثالهـا
شعبك يشيد أمنجزاتك دائمـاً فأمـن وسـلام
الله يحفظ الدوله اللـي كلنـا فـي أظلالهـا
بقيادة اللـي شيـد البنيـان مافيهـا كـلام
يومٍ قـادات الـدول فـي حالـةٍ يرثالهـا
الشعب قائم ضدهم غضبان من جور النظـام
والكل منهم قال انا عـم الامـور وخالهـا
هذا جزاء اللي مايميزفي الحلال أمن الحـرام
يتبع هواء نفسه وهامـات العـلا ماطالهـا
يظلم هل الامجاد والطالـه رفيعيـن المقـام
اللي يعرفـون العـرب وقفاتهـا وافعالهـا
حنا بذرى الله ثم ذرى اللي كل ماكثر الخصام
يحل صعبات الامور اليـا عجـز حلالهـا
بينه وبين الشعب تقديـر ومحبـه وأنسجـام
مليكنـا صانـه الأمانـه والشهـاده نالهـا
من شعبه اللي مايعرف الغطرسه والانقسـام
ولايسمع أخبار القناه اللـي تبـث أرسالهـا
شعبٍ حواء الامجاد والطالات في أيام الزحام
تنشر له البيضاء على روس الجبال اللحالهـا
لاصاح فيهم خادم البيتين ثـم شـد الحـزام
النار مـن شبابهـا والخيـل مـن خيالهـا
ياخادم البيتيـن لـك منـا تحيـه وأحتـرام
من شعبك اللي جدد البيعه وشـد أوصالهـا
(مما راق لي)