[سالم]

[align=center][tabletext="width0%;background-color:indigo;borderpx double purple;"][cell="filter:;"][align=center]

خد الثرى

على خد الثرى نسعى عسى سعي القدم مشكور
...................عسى حجاتنا فـي تالـي الاعمـار مبـروره
عسى ذنب الجهل والعمد والغفله يجي مغفـور
...............الى عرضت صحايفنا على الاشهاد منشـوره
الا يانفسي الجهلا ترى الدنيا متـاع غـرور
................ترى الايام لو طالت على الآجـال مقصـوره
ترى عقب الترف والعز والراحه وظل قصـور
..................يـزورك هـادم اللـذات والاقـدار مامـوره
وترى نشوة ربيع العمر ما تبقى زمن ودهور
................تمر ايامها عجلـه وتذبـل نضـرة الصـوره
مثل حلم الكرى لو طاف بالنايـم وش بحـور
................يعود به ومن عـادت حلـوم الليـل مبتـوره
خصيب القاع لو عجت زماليقه بريـح زهـور
............وغريف وانثنى عشبه وغنت فوقـه طيـوره
يزول ويندثر ريفه وعمره ما تعـدى شهـور
.............يروح وتنجرد خده وهي مـن قبـل معمـوره
الا يالله ياعالـم خفيـات الـدجـي والـنـور
...........تروف بحال من نفسه على الايمان مفطـوره.

[/align][/cell][/tabletext][/align]