محمد تنهد ولف وجهه على النافذه يشوووف البيوووت : انا حذرتك .. لاتجول ما جلتولي ..
جاسم ضرب على صدررره : لا تخاااف انا مرتب لكل شي .. لحظة بس واسمع
هي مدوامه اليووم صح ؟
محمد : هيه مدوامه وماظن طلعت بعدها انا طالع من وجت مستأذن من المدير
مسك فوونه واتصل عليها .. حطه سبيكر بعد ماكان مستحيل يحط اي مخلوووق يسمع حتى همس صوتها .. ( اااااه بس يا هاجر انتي اللي خليتيني اصير كذا )
بعد اربع رنات : الووووووو
جاسم ابتسم : هلاووووووووي
هاجر مشغووله على النت : جسوووم وربي انا اسفه امس ما جصدي
جاسم قاطعها : اوووووش حبي انا اللي اسف ماجدرت ايي كنت ادج عليج عشان اجولج ان يونا ضيووف من العين ..
هاجر تنهدت بقووه : اووووووه بصراحه ريحتني كنت افكر فيك
جاسم ( الله يلعن بليسج بعدج جوويه عين اونه تفكر فيني عساج تتزوجين حماار جولي امين )
وتنهد بصمت : شفت رسالتج عجب لما طلعوا ودجيت عليج بس فونج مسكر مو مشكله خيرها بغيرها .. بس انتي شو اخبارج ..؟؟
هاجر : انا تمام التمام .. متى اجدر اشووفك
جاسم ( حلفي بس وفيج رووح تواعدي بعد ) : حبي ماعرف انا الحين جريب الحدود معااي حموووود رايح الفجيررره
هاجر : اها انا شفته طلع من وجت اليوووم
جاسم : اوووكي حبي احبج تبين شي من فجيرة ؟؟؟
هاجر ابتسمت : لا حبي سلامتك مابي شي .. اهم شي ترجع سالم
جاسم ( ارجوووج هاجر لا تذبحيني اكثررر ) : طيب يلا مع السلامه صح حمووود يسلم عليج ..
محمد التفت واشر بيده على صدره وقال بهمس : متى سلمت عليها ههههههههه
جاسم غمز له وضحك
هاجر ضحكت على نياتها : الله يسلمه .. يلا ما بأخرك
جاسم : يلا باااااايات
محمد : البنت طيبه جسووووم حرررام
جاسم وده يطيره هولندا من الضيق اللي فيه : وانا ماحد رحمني لما تزوجت ورمت كل شي ورا ظهرها لا وبعد كنت مكلم الوالده تحجزها او ما اخلص ..
خليني ساكت احسن .. الحين لما تزوجته عرفت قيمتي ماتمر ساعه الا وراسله .. عذبت نفسها وعذبتني معها .. !!
سكتوووا اثنينهم وشغلوا مسجل على اغنيه ( نانسي عجرررم ) الدنيا حلوووه
دخلت غرفتها فتحت الدولاب طلعت بنطلون اسود ضيق وبدي اصفر ضيق لين الفخذ بأكمام لين نص يدها وعليه فتحه كبيره على الصدر مع كتابه بالانجليزي تلمع باللون الاسود بنص البدي .. دخلت الحمام تسبحت وطهرت الجرح ..
طلعت لبست ملابسها وقفت على المرايا تبي تمشط شعرها الاسوود الناعم لين اخر ظهرها مع قصا تبسيطه على شكل طبقات قدام .. حطت كريم على بشرتها ..
اندق باب غرفتها
بدون ما تلتفت وهي تمشط شعرها : دخلــن
انفتح الباب بهدوووء وانصدمت لما شافت من المرايا ماجد واقف يشووفها بدوون ما يتكلم
ثريا بدون ما يتحرك فيها اي شي ظاهريا بس داخلها تحترق : شو بغيت ..؟؟
ماجد اقترب منها اكثر واكثر وجلس مقابلها على التسريحه : نبي نوديج المشفى
ثريا سفهته كملت تمشيط شعرها
ماجد بصوووت اقرب للهمس : مو عشاني عشانج انتي ..
ثريا حطت عينها بعينه : وانت شو حارك انا اللي متعووره او انت ؟؟
ماجد يهديها : هند ونوره جالولي ان الجرح شوي عميق وانه يسوي التهاابات وورم .. والدم فتره ما تنظف يعني تلوووث وهذا خطيررر لج ..
ثريا كأنها بدت تقتنع بس كابرت : وانا مابي اررروح احسن جسمي يلتهب واموووووت بترتاحوووا مني ..!!
ماجد ماعرف شو صاار له نغصه قلبه عليها بقوووة : طيب وانا مالي معززة عندج ؟
ثريا حنت عليه ورجعت تحط عينها بعينه : انت لو معتبرني اختك كان احترمتني لو شوي جدام ربيعااتي .. لكن انت ماهمك الا نفسك
ماجد لما سمعت كلمة اختك تنهد بقوووة حتى انتي يا ثريا تجووولي اختك حتى انتي انا الجاها من وين والله من وين .. انتبه ع سرحانه ورجع يقنعها لين ما اقتنعت خوفها طبعا بالالتهابات والسرطانات وانوع الخريط والكذب وهي تسمع على نياتها ..
ثريا باقتناع : اووكي بررروح
ماجد فرررح وده يطير : اوووكي انا بنزل تحت اتغدا وبنطلع ونوره وهند معنا بنفرفرهن شوي بالسياره .. شرايج ؟؟؟
ثريا ببراءه : اوكي
ابتسم لها وطلع وهي رجعت تضبط شعرها وتزيته .. وما سوت مكيا ج الا كريم المرطب لبشرتها .. نزلت تحت وتغدت واول ما خلصن ركبن فووق لغرفه ثريا يتكشخن ..
هند فوق سرير ثريا تسوي مكياج لبشرتها لانها كانت مداومه بلا مكياااج حسب اوامر خالد .. ونوره خذت جينز من دولاب ثريا عشان تبدل بنطلونها الابيض .. لان ماجد خبرها وين بيروحوا وهالشي الوحيد اللي ماحد يعرفه الا هما الاثنين ..
( يعني ابو الشقاااوة والجنوون والخبال بيصير اليووم )
ثريا استغربت من نووره بس ماحبت تحرجها على بالها بنطلونها توسخ او شي يعني سوالف بنات ..!!
لبسن عباياتهن المفتوحه وتعطرن وطلعن ..
ماجد كان يحر السياره تحت ينتظرهن ..
اول ماطلعن وسكرررن الباب ثريا تهمس لنووره : يلسي جدام
نوووره خاافت : لا لا ارجوووج جسوم عنده وايد ربع اخاف احد ينتبه لي مرتزه جدام كأني وزيره .. حطي هنوووده
وبدوون ما يقوولن شافن على هند وجلست تشوفهن ببرأءه ورفعت ايدها : وانا بعد لا لا تجعدن تشوفني ..!!
ثريا ضربتهن على الراس اثنينهن : نذلاااات اثنينكن ما منكن فايدة .. ضد خدمة الشعب بصراحه ..
نوووره : واذا الشعب ما مساعد الحكووومه وماصاير اليف معه .. هذه مشكلتج انتي واخووج تراه اهو امه وابوه مستشفى لا تسووون زفه
ماجد وده يعرف شو يقولن من الصبح مرتفع ضغطه وفتح النافذه : حوووووووه تعالن ترا ذليتني وسندرتن راسي ( سندرتن يعني صدعتن راسي بس ذي بالقطري )
ثريا ركبت قدام وهي تنافخ .. نوره ركبت ورا ماجد .. هند ركبت ورا ثريا ..
ماجد يلتفت على وراه بس عيونه على ثريا : لبسن الحززام
هند ونوره : احنا ماله داعي
ثريا جلست تشوفه ولبست الحزام بصممممت
ماجد حرك السياره وطلعوا على الشارع العام
رن تلفووونه
ماجد ارتبك والتفت على ثريا اللي كانت تشووف على النافذه
ماجد : الووووو
صاحب محل تأجير السياره : اخووي انت تأخرررت علينا المفررروض تسلم السياره س 8 الصباح لان مرت 3 ايام والحين راح يجي العصر ..
ماجد بتوتر : ان شاء الله ان شاء الله بجيبها اليووم لا تحاااتي العصر انا بجيبها
صاحب المحل : على خير .. مع السلامه
التفتت عليه ثريا اللي كانت الوحيده ماتعرف موضوع ترجيع السياره : من ؟؟؟
ماجد وهو يسووق بدون ما يشوفها : واحد يبغا مني حاجه
ثريا ببراءه : اهااااا
هند تهمس لنووره : صاحب السياره صح
نوره تهز راسها : هيه
بعد ربع من الصمــت وصووت الاغاااني اللي هز السياره
ثريا باستغراب : ماايد هذا طررريج صحم
ماجد يكمل الكذبه : ايه داري .. بنروح مستشفى يديد
ثريا عقدت حواجبها : اي مستشفى ذا اليديد
ماجد ضحك وجلس يصفق مع صوت الاغاني تخبلت معاااه نووره وهند وجلسوووا يردودوا ورا الاغاني ويضحكوووا
ثريا خايفه : بسم الله انتوووا شو لبسكم .. اعوذ بالله من الشيطان الرجيم وجلست تقرأ المعوذات
نوووره تصرررح بصوت عالي لان ما ينسمع صووتها بسبب ضجة الاغاني ..
نوره : رررررررايحين مسقط
مااااااجد يضحك وكمل بصررراخ : بنررررررروح نسوووج دراجات على الجبل الرملي ف بوووووضر
ثريا بغت تقفز من مكانها وتصررخ : شوووووووووو يا ميانين
هند تضحك : ونااااااااسه
ماااااجد التفت على ثررريا : وبتسبح بعد بنررررررروح البحر
هند وثريا ونووووره انصدمن لانهن ما كانن عارفات بجنووووووون ماااااجد
صرررررخن ف وقت واحد : شوووووووووووووووووو
ثريا تضحك : ميوووووود انت من صدجك
ماجد يتلفت عليهن وحده وحده : اييييييييييه يلا عاااد ترا كلهن يعرفن بسالفه مسقط اعترفن اعترفن لا تحطن السالفه فوووج راسي
ثريا بغت تقفز ورا تصفهن وحده وحده وتصحك : مااااعليكن انتن مجرررمات مثله
وكملووووا على هذا المووووال ضرابه وضحك وتصفيق
بعد ساعتين وصلوا مسقط .. قريب مطار السيب الدولي ..
ماجد طفى على المسجل والتفت على ثريا : ثرثر اجولج انا بروح اييب مفتاح سياره ابووي من داخل عند واحد من الشباب وراجع عجب ركبي فيها انتي وذيلا الفيران اللي مع جوانا بمشي جدامج ولجيني لان سياره ابغا اسلمها محل تأجير هنا جريب ما وايد بعيد
ثريا : اها اوووكي
وقف السياره ونزل ماجد ييب المفتاح
ثريا التفتت على ورا وقفزت تصفهن وهن يضحكن : ماعليكن
هند تغطي وجها بايدها وتضحك : والله ذي خطه نوووووري
نوره تبعد الشبهه عنها : خاااااااينه ما اناااااا ميووووود
ثريا : انتن معااه
هند بحمااس : ووواي وناسه بنتسبح
نوووره حطت نفسها ذايبه ويبي يغمى عليها : ثررررريوووة والله فديته اخوووج احسدج عليه يمه لو جسوووم مثله وووواي جلبي
ثريا تشوفها بشماته : حلفي بس ..؟؟ فديت بو عيووون خضرا احلى من اخووي ذا ابو كشه
هند : اااااااش اااااش ياي ياي
ركب السياره
ماجد وهو يلف السياره يدور سياره ابوووة يتلفت يمين ويسار على مواقف السياره :
ثريا شافتها وصرخت تاشر على السياره : هذه هذه
ماجد ضحك : انزين انزين خلااااااص ماحد ما سمعج فضحتينا اللي يسمعج يجوول شايفه فراري مو سياره مثل ويهج
ثريا التفتت عليه بطريقه متووحشه : شفيها سياره عمي شحلاتها بي ام احلى من كشتك ذي ..!!
نووره دخلت بالنص تهديهم : ااااااااش ااااش خلااااااص ترا يايين نتمشى خلصوونا ..
ماجد خز ثريا بقوووة وثريا فهمت قصده ( انها ماتهين رجولته قدام حد ) وسكتت مكانها مدت يدها تاخذ المفتاااح ......
ماجد حط عينه بعينها : نزلن يلا .. وامشي وراي لا تضيعين ترا انتي ما تعرفين شوووارع مسقط اذا ضعتي محد بيلجاج
هند ونوررره صرررخن : لا اررررجوكم كله ولا نضيع عاد اذا ضعنا بيجول ابووي من يغيب ف مستشفى .....
هند همست لنووره : وخلووود بيي يدووورني ومابيحصلني ف مستشفيات عمااان بيلجاني في صحرا الربع الخااالي اخمس انا وانتي وثررريا بلا عوووووده الى الابد ..!!
نوره وهي تنززل : نزززلي انتي وخلووودج ذا ابو شاشه منكسرره
ثريا شغلت السياره .. ركبت نووره جنبها وهند ورا .. وبكل ادب مشن ورا سياره ماجد لين ما وصلوا طبعا ماجد ذلهن كل نص ثانيه يتأكد اذا موجودات وراه او لا وموقفاااااات الشارع على حبة ونص كله خووفاااا من ماجد ...!!
نزل ماجد يرجع السياره وبعد 10 دقايق رجع جات ثريا تبغا تنزل ونوره تررروح ورا بس ماجد اشرلها تجلس ودج نافذه نووره
نوره فتحت الباب : شو صار بعد
ماجد ياشر لها : ركبي ورررا
وقامت وركبت ورا وجلس مكانها ..
ثريا ما حركت السياره جلست تشوفه مستغربه وحاطه عينها بعينه وهو يربط حزامه بهدووء ..:
ماجد التفت عليها : شفيج .. حركي السياره
ثريا متجمده مكانها : انا بسووج ؟؟
ماجد هز راسه : ايه انتي
ثريا : بس انا ماعرف شوارع مسقط