[الوردة الظامية]

-




تعال أمطر ..
يبس غصن الكلام المورق الأخضر ..
ولا ساقي ..
ولا غيمة يبللّ ضحكها أرواقي ..

سنين وشاعرك يقطف عناقيد الكلام العذب ..
ولاغايب قدر يرجع ..
ياليت العمر.. شريط أقدر أعيده كل ما غايب بذر نبتة غلاه بداخلي وأقفى ..
عشان من أوّله أجفى ..
عشان أرتاح من هذا الحنين اللي تغافلني وجاب أقصاي ..

تعال أمطر ..
عشان يكون للدنيا طعم ثاني ..
عشان أذكرك وأنساني ..
عشاني كان باقي لي بقلبك شيء ..
عشاني مو عشان الشعر ..


-