عدنا من جديد بكم سؤال ..
هلابك من جديد ...gif "Qtrat (8)")
ماهي الوضعيه التي تحبينها عند تصفح النت هل هي جلوس ام وقوف ام مثل اللي يحلون الواجب ؟
وماهي الوضعيه التي تنصحين بها ؟
وماهي الوضعيه التي تتوقعين انها طبيه وغير ضاره ؟
أحب الوضعية السايحـة .. وأنصح بالسايحـة برضة
والطبية أيضا هي السايحـــة ..!
ماهو نوع جهازك ؟
دل .. وأدلعه أنـــا أبو دلال
هل هو محمول ام مكتبي ؟
محمول ..
وماهي الشركه المصنعه ؟
ماعندي فكرة والله ابو خميس
ومتى تم تنصنيعه ؟ وماهي مواصفاته ؟
وايضا ماعندي فكرة عن تاريخ التصنيه .. بس مواصفاته مثل مواصفات حمار الكرف الله يكرمك
قوي والله ورغم اني كل يوم أدعي عليه وألعن ابوه وآخرتها البارح بمسابقة القرادة حقتك
لكن متحملني مسكين ويشتغل ..
وهل استخدامه زين ؟ ولما اخترتي هذا النوع ؟
أقول لك حمار كرف تقول أستخدامه زين ..
أخترته لاني حبيت أجربه .. من عقب أتش بي ..
وبكم شريتيه ؟ وبكم تبيعيه لو فكرتي في بيعه ؟
شريته بـ 3000 و ببيعه بـ 4000
وعلى شانك ياابو خميس بـ 3999 ..تستاهل
وهل تنصحينا بشراء مثله ؟
لا .. أنصحكم تشترونه هو مني ...
يقولون أن الارض دائريه وتدور حول محورها .. طيب يامنال .. السيول عندنا بحايل تتجه من الغرب الى الشرق بالنهار وبالليل وفي كل وقت تتجه الى الشرق ..
فإذا الارض كرويه وتدور حول نفسها فلما لاينعكس الاتجاه ويكون من الشرق الى الغرب دام ان الامطار تأتي في اوقات مختلفه تصادف ان الغرب اعلى من الشرق والعكس الصحيح ..
بودي ان تشرحي لي الاسباب !!
مادري بس انتوا يانايف ليه كل شي تصدقونه
خلاص قالوا لكم الارض كروية صدقتوهم ..!!
هل انتي سعيده في هذه الاستضافه مع البيزنطيين ؟
اممممم يعني ان قلت لا ..بطلع والا بيتغير شي
فخلني اقول لكم سعيدة أفضل من قول ( ليس بسعيدة ) .gif "Qtrat (7)")
وكيف توقعتي الاسئله ؟ وهل توقعتيها بهذا العدد ؟أم اقل ؟ ام اكثر ؟
أنا دائما أتوقع الغير متوقع
يعني حاسبه حسابي لكل شي
لجمودكم او لجنونكم ..
وهل تتمني ان تعودي مره اخره لتكوني ضيفه على البيزنطيين ؟
الله لايقوله ياشيخ ..!
هل تنامين وانت مشغله النور او مطفيه الانوار ؟
ماتغمض لي عين وفيه لمحة نور احب كل شي ( خرمس )
يعني ظلام دامس
وهل تعرفين السباحه ؟
أيه أعرف السباحة العادية حقت التروش
بس هذي حقت البحر لا والله ما اعرفها
وكم وجبه تأكلين باليوم ؟
الغداء والعشاء وبينهم وجبة ( سناك )
وكم سعر جرام الذهب ؟ وسعر برميل النفط ؟
وشفيكم على الذهب اليوم
ناوي تقطون قطة و تجيبون لي هدية تجبرون خاطري فيها ؟؟
ما ادري والله بس غالي يقولون
والبرميل حق النفط اتوقع بريالين
لاني شريته من محل ابو ريالين القريب من بيتنا ..
نعرف ان الغبار هو عباره عن حبات صغيره من التراب تحركه الرياح .
طيب دائم نشاهد الغبار ولكن في جو ساكن فلما لا تجذبه الجاذبيه الى الارض ؟ وكم تتوقعين يصل ارتفاعه الى أعلى ؟
وهل جاكم غبار هاليومين ؟ وماذا تفعلين في وقت الغبار ؟
من قال لك ماتجذبه الارض ..مافيه شي ماتجذبه الارض
يطير الغبار بالهواء ويطيح بالارض يالغشيم ..
وامس عندنا غبار قوي والله
يعني وش بسوي وقت الغبار .. أجلس فبيتي وأسكر النوافذ والابواب بإحكام
الحمدالله ياربي على نعمة العقل ..والا هذا سعوال ينسعل !!!!!!
النامس حشره صغيره ولكن لها لدغه تسبب انتفاخ في مكان اللدغه ومانعرفه انها حين تلدغ فهي تمتص الدم فلما تصاب المنطقه الملدوغه بالانتفاخ ؟ ولما يكون معها حكه ؟ وهل تتوقعين انها تفرز شي داخل الجسم ؟ وماهي فوائد النامس ؟
قل امين .. جعل النامس يلدغ جبهة عدوك على هالسؤال اللي مدري منين جبته
شي طبيعي ينتفخ المكان لانه يزعل من صاحبه اذ جعله معرضا
للي يسوى واللي مايسوى .. والحكة عقاب للانسان على شان ثاني مرة
ياخذ حذره ومايجلس في مكان كله نامس يامال النامس اللي يلسع عدوك ..
ماله فوائد بينة للانسان بس اكيد له فوائد للبيئة والحيوان ..!
على حسب خبرتك الجيولوجيه والفلكيه .. وبما ان الضب يخشى الماء ويخافه ..
وهو يعيش في الارض وفي الصحاري .. فأين يذهب إذا كان الجو ماطر .. وإن كان في جحره .. ألآ يدخل عليه الماء ويخرج من جحره ؟ وأين يذهب ؟
لا مايدخل عليه الماي .. لان جحره عميق بالارض
ومايذهب مكان .. وين بيولي يعني .؟؟
بما أنك تستغلين وقتك .. وله جدول ونمط تسيرين عليه .. ولفضولنا بالتعرف عليك أكثر .. متى تنامين ؟
اممممممممممممممممم
يعني على حسب مابين الـ 12 والـ 2
وماهو اخر شي تفعليه قبل ان تنامين ؟
أسكر لمبات البيت وأطل على الأولاد ..
وهل تفكرين عند النوم ؟
إذا دايخة مرة وتعبانة لا ما أفكر
وإذا كانت الإجابه بنعم .. ماهو الذي تفكرين فيه ؟
شسوي غدانا بكرة ..!
وإذا كانت بلا .. لماذا ؟ .. ومتى تستيقظين ؟
اصحى 5 للاولاد وارجع انوم 7 واصحى 10
وماهو أول شي تفعليه بعد الإستيقاظ ؟
أشغل اللاب وأروح احط لي بريق للكافي
وأين تكونين الساعه 12,45 ظهرا ً في يوم الخميس ؟
بالبيت ...وين بكون يعني ؟؟
يقولون ان الغيوم تتكون من بخار البحار .. فهل تعتقدين انه صحيح ؟
واذا كنت تقولين صحيح .. فلما لاتتكون السحب في الصيف ؟
وذلك لأن اشعة الشمس اقوى من اشعتها في الشتاء ؟
إلا تتكون سحب بالصيف ..
ماسمعت بسحابة الصيف اللي سقت هالكون وأقفت ....!
الآن كبار السن حديثهم عن تنقلاتهم ورحيلهم أيام زمان .. أحاديث جميله ومشوقه ..
ترى ماذا يكون حديثنا لأبنائنا اذا كبرنا ؟؟ وماذا يكون حديث ابنائنا لأبنائهم اذا كبروا ؟
أممممم
بنسولف لهم عن قطرات أدبية ..
وعن هالسجن البيزنطي وتاريخنا و مجدنا بين المنتديات ..
وحديث عيالنا عاد ما ادري يعلم الله ..
ولي عوده ان شاءالله